Një 24-vjeçare ka vdekur si pasojë e plagëve të marra në një aksident komunikacioni që ka ndodhur të dielën në rrugën Drenas – Skenderaj, saktësisht në fshatin Polluzhë.
Në këtë aksident ka pësuar lëndime trupore edhe një burrë 26 vjeç i cili është duke u trajtuar në QKUK dhe është jashtë rrezikut për jetë.
Këtë e ka bërë të ditur për teve1.info Drejtori i Klinikës Emergjente në QKUK, Naser Syla.
“Nuk ka mundur t’ju mbijetojë plagëve, përkundër të gjitha masave, një grua e lindur në vitin 2001. Ndërsa një burrë i lindur në vitin 1999 është në gjendje stabile, në observim në QE”, ka thënë Syla.
Policia e Kosovës ende nuk ka dhënë informacione për këtë rast.
