Një person ka vdekur si pasojë e një aksidenti në Shënavlash – Sektor Rinia në Durrës.
Policia thotë se viktima është një 20-vjeçar. Ky i fundit u përplas nga një automjet, dhe fatkeqësisht ndërroi jetë në spital.
Drejtuesi u shoqërua nga policia për t’u pyetur lidhur me rrethanat e aksidentit.
“Në segmentin rrugor Shënavlash-Sektor Rina, automjeti me drejtues shtetasin L. B., 33 vjeç, ka goditur këmbësorin, shtetasin D. N., 20 vjeç, i cili ka humbur jetën në spital. Drejtuesi i automjetit shtetasi L. B, është shoqëruar në Komisariatin e Policisë Durrës, për veprime të mëtejshme. Grupi hetimor ndodhet në vendngjarje dhe po punon për sqarimin e rrethanave dhe shkakut të aksidentit”, njofton Policia e Durrësit. /tvklan
