Ka ndërruar jetë personi që ishte aksidentuar të premten në rrugën Prishtinë–Pejë, përkatësisht në fshatin Sllatinë.
Sipas njoftimit të Policisë së Kosovës, viktima ka vdekur të shtunën, një ditë pas aksidentit, derisa po trajtohej në Qendrën Klinike Universitare të Kosovës (QKUK).
“Sot me datë 07.02.2026 rreth orës 11:00 derisa ka qenë në tretman mjekësor në QKUK – si pasojë e lëndimeve të marra në aksident trafiku viktima ka ndërruar jetë. Me vendim të Prokurorit trupi i pajetë dërgohet për obduksion në IML-Prishtinë. Rasti nën hetime”, thuhet në njoftimin e Policisë.
