Ka vdekur në QKUK, motoçiklisti, i cili ishte aksidentuar me një çiklist javën e kaluar në Pejë.
Policia e Kosovës në raportin ditor ka bërë të ditur se motoçiklisti pas aksidentit si pasojë e lëndimeve të marra trupore ishte dërguar në QKUK për tretman mjekësor.
Ndërkohë, i lënduar kishte mbetur edhe çiklisti.
“Raportohet se kishte ndodhur një aksident trafiku me lëndime të rënda trupore në mes të një motoçiklete dhe një çiklisti me drejtues m/k. Si pasojë e lëndimeve të marra të dy drejtuesit kishin pranuar tretman mjekësor në QKUK. Më 30.06.2025 nga QKUK-ja është pranuar informatë se drejtuesi i motoçikletës si pasojë e lëndimeve të rënda në aksident kishte ndërruar jetë”, thuhet në raportin 24-orësh të Policisë.
Ndërkaq, me vendim të prokurorit, trupi i pajetë thuhet se është dërguar në Institutin e Mjekësisë Ligjore për obduksion.
