Ka vdekur në moshën 49-vjeçare, ish-nënkryetari i Lidhjes Demokratike të Kosovës në Dragash, Naser Myrtezani.
Lajmin për vdekjen e tij e bënë të ditur familjarët përmes rrjetit social, Facebook.
Për vdekjen e tij ka shkruar edhe kandidati i LDK-së për deputet, Avdullah Hoti.
“I hidhur lajmi për shkuarjen në amshim të veprimtarit të devotshëm të LDK-së në Dragash, Naser Myrtezani. Naseri ishte njeri i mirë, profesor i përkushtuar dhe aktivist i devotshëm i LDK-së. Ngushëllime të gjithë familjarëve, miqve, bashkëpunëtorëve dhe degës së LDK-së në Dragash. Do ta kujtojmë përherë jetën dhe veprën e Naser Myrtezanit. Prehu në paqe miku ynë Naser!”, ka shkruar Hoti.
