Ka ndërruar jetë ish-luftëtari i Ushtrisë Çlirimtare të Kosovës, Haki Limani, i njohur si komandant “Plaki”.
Bashkëluftëtari i tij, Rrustem Berisha, ka konfirmuar lajmin, duke shprehur dhimbjen për humbjen e një nga komandantëve më të nderuar të UÇK-së.
“Me dhimbje të thellë ju njoftojmë se ka ndërruar jetë bashkëluftetari ynë nga Ferizaj, Haki Limani- Komandant “Plaki”. Komandant Plakin, e njoha në ditët e lavdisë së luftës sonë çlirimtare kur ai bashkë me djalin e tij Arbenin, ju bashkuan Brigadës 138 “Agim Ramadani” të UÇK-së. Haki Limani – Komandant Plaki, gjatë Epopesë së Koshares asnjëherë nuk e hoqi plisin e bardhë nga koka, duke qenë shembull i dashurisë për atdheun dhe luftëtar i paepur për liri”, ka bërë të ditur Berisha.
Varrimi i të ndjerit do të bëhet nesër në Varrezat e Veteranëve në Kompleksin Memorial në Koshare.
