Një person në fshatin Leshan të Suharekës ka vdekur, pasi kishte mbetur brenda veturës së tij e cila ishte përfshirë nga zjarri.
Sipas Policisë së Kosovës informatën se një veturë është përfshirë nga zjarri në vendin e quajtur “Tuma” e kanë marrë nga një qytetar rreth orës 14:24.
Zëdhënësi i PK-së për rajonin e Prizrenit, Shaqir Bytyqi ka thënë se dyshohet se 82- vjeçari i cili ishte brenda automjetit ishte djegur tërësisht bashkë me automjetin.
“Nga informatat e para dyshohet se te vendi i quajtur ‘’Tuma’’ personi M.G. mashkull 82 vjeçar i cili ishte brenda automjetit të tij ishte përfshirë tërësisht nga zjarri, me atë rast personi i cili kishte mbetur brenda ishte i djegur tërësisht me gjithë veturën në vend të ngjarjes”, ka thënë ai .
Rasti është duke u Hetuar nga Sektori Rajonal I Hetimeve të Drejtorisë Rajonale të Policisë në Prizren.
