Një 21-vjeçare nga “Shtëpia e fëmijëve” në Shtime dyshohet se ka humbur jetën si pasojë e ngulfatjes gjatë ngrënies së ushqimit.
Lajmin për teve1.info e ka konfirmuar zëdhënësi i policisë për rajonin e Ferizajt, Kanun Veseli.
Ai ka thënë se vdekja e viktimës është konstatuar nga mjekët dhe rasti është cilësuar si “Hetim mbi vdekjen”.
“Me datën 15.05.2023 rreth orës 19:30 , policia e stacionit në Shtime ka pranuar një informacion se një person D.S ( F/K) e moshës 21 vjeçare paciente nga “Shtëpia e fëmijëve ” në Shtime, për ndihmë mjekësore fillimisht është dërguar në Qendrën e Mjekësisë Familjare në Shtime dhe më pas me autoambulancë është dërguar në Qendrën Emergjente në Ferizaj , ku nga mjekët është konfirmuar vdekja e saj. Dyshohet se është ngulfatur gjatë ngrënjes së ushqimit”, ka thënë Veseli.
Tutje Veseli ka theksuar se hetuesit krimteknikët rajonal kanë dalë në vendin e ngjarjes dhe nën autorizim të prokurorit kanë nisur hetimet, teksa me vendim të prokurorit trupi i pajetë është dërguar në Institutin e Mjekësisë Ligjore në Prishtinë për obduksion./teve1.info
