Një 18-vjeçar ka ndërruar jetë të hënën pas dite në vendin e tij të punës në fshatin Nikadim të Ferizajt, raporton teve1.info
Lajmin për teev1.info e ka konfirmuar zëdhënësi i Policisë për Rajonin e Ferizaj,t Kanun Veseli, i cili ka njoftuar se sipas mjekëve dyshohet për vdekje natyrore.
“Sot, rreth orës15:30 nga Qendra Emergjente në Ferizaj jemi njoftuar se një person, mashkull i moshës rreth 18 vjeçar është sjellur pa shenja jete.
Ekipe të policisë kanë dalë menjëherë në vendin e ngjarjes dhe kanë mësuar se viktima dyshohet se kishte ndërruar jetë në vendin e punës në një fabrikë në fshatin Nikadim të Ferizajt.
Sipas mjekëve kujdestar dyshohet për vdekje natyrore.
Në lidhje me këtë është njoftuar edhe prokurori kujdestar nga Prokuroria Themelore e Ferizajt”, tha Veseli për teve1.
