Një grua është gjetur e plagosur nga arma e zjarrit, mbrëmë në Mitrovicë të Jugut.
Policia thotë se në vendin e ngjarjes kanë dalë njësitë përkatëse, derisa më pas ekipi mjekësor ka konstatuar vdekjen e viktimës.
Në vendin e ngjarjes është gjetur një armë, e cila dyshohet se është përdorur në rast.
Ndërkohë, me vendim të prokurorit trupi i pajetë i viktimës është dërguar në IML për obduksion.
Në raportin ditor është bërë e ditur se rasti është iniciuar “Vdekje e dyshimtë”.
“Mitrovicë Jugu 11.11.2023-19:35. Raportohet se viktima femër kosovare është gjetur e lënduar nga arma e zjarrit. Në vendin e ngjarjes kanë dal njësitet përkatëse, ndërsa ekipi mjekësor ka konstatuar vdekjen e viktimës. Po ashtu në vendin e ngjarjes është gjetur një armë e cila dyshohet të jetë përdorur në rast. Me vendim të prokurorit, trupi i pa jetë i viktimës dërgohet në IML për obduksion”, thuhet në njoftimin e Policisë së Kosovës./teve1.info/
