Kryetari në detyrë i Kuvendit të Kosovës, Glauk Konjufca ka reaguar në lidhje me vdekjen e mbrëmshme të një zyrtari policor në Kaçanik.
Konjfuca ka bërë thirrje për hetime të plota dhe të shpejta në mënyrë që autori të sillet përballë drejtësisë.
Ndryshe, Konjufca u ka shpreh ngushëllime familjarëve të të ndjerit.
“Shumë i pikëlluar për vrasjen e rreshterit policor Muhamed Lika në Kaçanik. Kjo është një ngjarje e rëndë dhe tejet pikëlluese, ku u qëllua për vdekje një zyrtar policor i Kosovës, i cili deri dje ishte në shërbim të mbrojtjes së rendit dhe sigurisë së qytetarëve. Bëj thirrje për hetime sa më të plota e të shpejta që është e mundur, në mënyrë që autori apo autorët e këtij krimi të vendosen përballë drejtësisë. Ngushëllimet më të sinqerta për familjen, miqtë dhe kolegët e rreshterit Muhamed Lika, të cilët duhet të gjejnë forcën për ta përballuar këtë humbje të madhe!”, ka shkruar Konjufca në Facebook./teve1.info/
