N.M (51-vjeç) ka vdekur dje në vendin e punës në një gurthyes në Studençan të Suharekës.
Policia ka bërë të ditur se përderisa viktima po testonte një makineri në vendin e punës, kishte pësuar lëndime. Ai ishte dërguar për tretman mjekësor, mirëpo mjekët konstatuan se ishte pa shenja jete.
Lidhur me këtë rast, policia ka bërë të ditur se ka arrestuar një person, i dyshuar për “Asgjësim, dëmtim apo heqje të pajisjeve mbrojtëse dhe rrezikim të sigurisë në vendin e punës”.
“Raportohet se një person në vendin e punës derisa ka qenë duke testuar një makineri, ka pësuar lëndime me ç’rast i njëjti është dërguar për tretman mjekësor ku dhe nga mjekët përgjegjës kanë konstatuar se trupi i viktimës është pa shenja jete. Me vendim të prokurorit trupi i pajetë i viktimës është dërguar IML për obduksion. Lidhur me rastin është arrestuar i dyshuari mashkull kosovar i cili pas intervistimit është dërguar në mbajtje”, thuhet në njoftim.