Planifikohet të jetë disakatëshe. Megjithatë, mjetet e punës janë të vendosura vetëm në disa pjesë.
Në punimet e kësaj ndërtese në Lipjan, gjeti vdekjen kryepunëtori, Naser Avdullahu.
“Një mashkull kosovar ka ndërruar jetë në QKUK derisa po trajtohej si pasojë e lëndimeve të pësuara pasi ishte rrëzuar nga një objekt ku po punonte. Përveç njësive policore në vendin e ngjarjes ka dalë edhe prokurori dhe inspektori i punës. Dy të dyshuar meshkuj kosovarë (pronari i firmës ndërtimore dhe pronari i pronës) janë arrestuar dhe me urdhër të prokurorit janë dërguar në mbajtje, kurse trupi i pajetë është dërguar në obduksion”, thuhet nga Policia.
Hetimet janë duke vazhduar, kurse punimet e kësaj ndërtese janë pezulluar.
Një pjesë e ndërtesës është e rrethuar me shirit nga Inspektorati i Punës, kurse në vendpunishte nuk është duke punuar askush.
Televizioni ka kontaktuar me kompaninë ndërtuese, të cilët nuk kanë pranuar të flasin.
Familja Avdullahu ka hapur dyert për të pame.
Të tronditur me rastin janë shprehur ata prapa kamerave.
Shkaktarët e aksidentit fatal, Inspektorati i Punës është ende duke i hetuar, për të dalë më pas me një raport.
“Ne do të përpilojmë raportin, i cili ende nuk është përfunduar. Dhe rrjedhimisht do të shqiptohet gjobë ndaj kompanisë për shkeljen e dispozitave ligjore për sigurinë dhe shëndetin në punë, që kanë çuar në aksident, rrjedhimisht vdekjen e punëtorit. Ky raport joni do t’’iu shërbejë edhe policisë e prokurorisë”, ka thënë Hekuran Nikçi, kryeinspektor i Inspektoratit të Punës.
Për këtë vit, ky është rasti i parë i vdekjes së një punëtori në vendin e tij të punës.
