Ministrja e Jashtme, Donika Gërvalla, ka ngushëlluar për vdekjen e dy mërgimtarëve të cilët humbën jetën në një aksident trafiku në Hungari.
Njëherit, Gërvalla ka njoftuar se Ministria e Punëve të Jashtme dhe Diasporës, së bashku me autoritetet hungareze, po kryejnë procedurat e nevojshme për kthimin e trupave të tyre.
“Me dhimbje morëm lajmin për vdekjen e dy shtetasve të Republikës së Kosovës, Kushtrim Hoxhaj dhe Jetmir Rexhepi, në një aksident trafiku në Hungari. Njëkohësisht i sigurova për mbështetjen institucionale, teksa Ministria e Punëve të Jashtme dhe Diasporës përmes misioneve diplomatike në Hungari dhe Gjermani, bashkë me autoritetet hungareze, po kryejnë të gjitha procedurat e nevojshme për kthimin e trupave të tyre”, ka shkruar Gërvalla.
Po ashtu, Gërvalla ka kontaktuar edhe familjarët e viktimave, teksa u ka shprehur ngushëllime për humbjen e familjarëve të tyre./teve1.info/.
