Miratimin e këtij ligji po kërkojnë nga sindikata e policisë, por edhe ekspertë të fushës.
Pjesëtarët e Policisë së Kosovës ende nuk kanë sigurim jetësor e as atë shëndetësor, pavarësisht se në punën e tyre përballen me shumë rreziqe.
“Sigurimi jetësor dhe shëndetësor në një institucion me rrezikshmëri të lartë dhe kjo është njëra prej kërkesave prioritare të SPK që kjo të bëhet sa më shpejt dhe zyrtarët policorë”, thotë
Imer Zeqiri, kryetar i sindikatës së Policisë së Kosovës.
E mosmiratimin e tij nga Qeveria po e vlerëson si neglizhencë edhe eksperti i sigurisë, Nuridin Ibishi.
“Mos miratimi i këtij ligji ka shkaktuar që na të vijmë në një situatë mjaft të rënduar në kuptim të asaj të moshës së shtyrë, në pamundësi zgjedhjesh, se policia i ka ato benefitet, ndër ta edhe stazhin e beneficuar.Ka munguar vullneti për një çështje të tillë dhe vazhdon të jetë ashtu.’’
Edhe qytetarët kërkojnë pensionimin e parakohshëm të zyrtarëve policorë.
E gjatë detyrës, që nga paslufta kanë vdekur 400 zyrtarë policorë, 426 janë lënduar, e mbi 500 kanë fituar sëmundje kronike.
Kronika e realizuar nga Albiona Hajdari
