Të stacionuar që nga orët e para të së dielës.
Njësitet policore edhe të hënën kanë krijuar perimetër të sigurisë, disa kilometra larg Manastirit të Banjskës.
Rruga që të shpie për këtë fshat po vazhdon të jetë e bllokuar.
Shumë ekipe policore po e marrin rrugën drejt vendit ku një ditë më parë neutalizuan dhe vranë disa prej anëtarëve të grupit të cilësuar kriminal.
Në ndihmë atyre po u shkojnë kohë pas kohe edhe ekipet nga KFOR-i amerikan.
E në orët e mesditës u mësua se arsyeja e patrullimit të shpeshtë është vazhdimi i aksionit të nisur një ditë më herët.
Në brendësi të fshatit Banjskë dyshohet për disa vetura brenda të cilave ka armatim.
Nga Policia e Kosovës, nuk dhanë detaje por vetëm konfirmuan se kishte vazhdim të aksionit të nisur një ditë më herët.
Autor:Arton Rama