Edhe sot do të vazhdojë procesi gjyqësor ndaj ish-krerçve të Ushtrisë Çlirimtare të Kosovës, Hashim Thaçi, Kadri Veseli, Jakup Krasniqi dhe Rexhep Selimi.
Trupi gjykues do të dalë përpara ish-krerëve të UÇK-së, të cilët po akuzohen për krime lufte në Kosovë.
Dje, dëshmitari i 24-të (me kodin 4255) ka thënë se disa tituj në Ushtrinë Çlirimtare të Kosovës (UÇK) kishin qenë për të mbajtur moralin lartë.
Kur nga avokati Ben Emmerson tha se a ishin disa prej titujve për të dhënë ide se UÇK-ja ishte më e organizuar sesa ishte në praktikë, dëshmitari ka thënë se “një ndër detyrat ma kryesore ishte edhe ruajtja e moralit të lartë”.
Paraprakisht, i pyetur nëse kishte caktuar në zonën e tij shef të artilerisë, të njësisë anti-plumb por përgjegjës për mbrojtje kimike dhe biologjike, dëshmitari tha që ‘‘jo’’ dhe se nuk ka pasur pozita të shumta, përveç zëvendësit të tij, shefi të operativës, komandantë për reagime të shpejta dhe komandantë të togjeve.
Dëshmia e këtij dëshmitari pritet të vazhdojë edhe sot duke u marr në pyetje nga ekipet mbrojtëse të Selimit dhe Krasniqit.Dëshmitari thotë se pas luftës Thaçi punoi me LDK-në për të mirën e Kosovës.
