Ka dhjetë ditë që në kryeqytet u shpall gjendja emergjente me mbeturina.
Fajin për këtë gjendje, sipas komunës së Prishtinës, e ka kompania përgjegjëse për mirëmbajtjen e mbeturinave.
Nga kjo komunë, u tha se kompanisë “Pastrimi” u janë dhënë 2 mijë e 500 kontenjerë dhe gjashtë kamionë të rinj, por që nuk janë shfrytëzuar.
Si skandaloze u quajt kjo deklaratë nga ana e kryeshefit të kompanisë “Pastrimi”.
E për banorët, situata me mbeturina vazhdon të jetë shqetësuese.
“Të pastrimit këta vijnë, edhe në mbrëmje edhe në mesditë i marrin këto kantat këtu. Bërllog ka mjaftë, prapë”, thotw qytetari Idriz Hyseni.
“Po këtu gjendja është shumë katastrofë, shumë është e keqe se këtu është edhe reka, e vjen erë shume e keqe. Qe sa vjet jemi këtu, qe 15 vjet po njëjtë është…..Po e rrezikshme për fëmijë, për banorë, për gjithçka se çfarë ere këtu kundërmon. Tepër erë e keqe”, shprehet Xhevrije Berisha.
Zyrtarët komunalë, pretenduan se si pasojë e gjendjes me mbeturina, është rritur rreziku për shtim të qenve endacak e shpërndarje të sëmundjeve.
