Sipas njoftimit të Policisë, kontrolli është kryer në një shtëpi të pabanuar në Ferizaj, me ç’rast janë gjetur dy thasë najloni të dyshuar se janë të mbushura me narkotikë të llojit heroinë, përcjell teve1.info
“Sipas planit operacional janë realizuar dy kontrolle në fshatin Doganaj të Ferizajit, kontrolli i parë është kryer në një depo – punëtori, objekt përcjellës i shtëpisë së të dyshuarit V. N, ku nuk është gjetur asgjë e dyshuar. Ndërsa kontrolli i dytë është kryer në një shtëpi të pabanuar, e demoluar, ku gjatë kontrollit janë gjetur dy thasë najloni, në brendësi të të cilëve kishte thasë të letrës, të mbushur me substancë pluhur, ngjyrë kafe, e dyshuar për narkotikë të llojit Heroinë”, thuhet në njoftim.
PK-ja bën të ditur se në cilën e provave materiale janë konfiskuar dy thasët e letrës me peshë 25.40 kg.
Operacioni “Gropa” ishte realizuar më 23 maj, ku ishin arrestuar 15 persona të dyshuar, prej tyre gjashtë shtetas turq dhe nëntë shtetas kosovar, si dhe kishe konfiskuar 67.71 kg heroinë. /Teve1.info/