Shtetet e Bashkuara kanë lëshuar sulme ajrore gjatë natës në Jemen, duke lënë të vdekur një person dhe duke plagosur 13 të tjerë, sipas raportimeve të medieve.
Sulmet amerikane ndaj Jemenit kanë hyrë në ditën e tyre të dhjetë, pa ndonjë shenjë për ndalimin e shpejtë të tyre.
Sulmet ajrore të SHBA-së kanë vrarë të paktën 79 njerëz dhe kanë plagosur më shumë se 100 në Jemen që nga e enjtja e kaluar, sipas Huthëve, raporton Al Jazeera.
Deri më tani, Shtetet e Bashkuara nuk kanë ofruar ndonjë specifikë për vendet që po godasin, megjithëse këshilltari i Trumpit për sigurinë kombëtare, Mike Waltz, pretendoi se sulmet kanë “shkatërruar lidershipin kryesor të Huthëve, përfshirë kreun e programit të tyre raketor”.
Por kjo nuk është pranuar deri më tani nga Huthitë.
Fushata e sulmeve ajrore amerikane filloi më 15 mars, pasi Huthët kërcënuan të fillonin të sulmonin përsëri anijet izraelite, pasi izraeli filloj bllokimin e ndihmave që hynin në Rripin e Gazës.
