Të shtunën një numër i vogël i qytetarëve u panë në protestën para objektit të Komunës. E kryetari shqiptar ndaj të cilit po protestojnë qytetarët serbë, po vazhdon të jetë i ngujuar në zyrën e tij për më shumë se një muaj.
Po ashtu, rruga kryesore e kësaj komune po vazhdon të jetë e bllokuar për qarkullimin e veturave.
Teksa siç bëhej rëndom, edhe sot pjesëtarët e KFOR-it po qëndrojnë para objektit të komunës.
Numër pak më i madh i protestuesve u pa në Zveçan.
Aty, qytetarët serbë të kësaj komune po vazhdojnë të qëndrojnë në tenda të vendosur mes të rrugës.
Në këto komuna por edhe në Mitrovicën e Veriut, u pa dukshëm numër më i vogël i policëve të Kosovës.
Kjo pas dakordimit të Qeverisë për shtensionimin e situatës në veri te vendit.
E qytetarët shqiptarë në këtë pjesë të vendit, kanë mendime të ndryshme rreth këtij vendimi.
Protestat në tre komuna në veri të vendit filluan më 26 maj, kur grupe të serbëve lokalë u grumbulluan para objekteve komunale për të protestuar kundër hyrjes së kryetarëve të rinj shqiptarë të Zveçanit, Zubin Potokut dhe Leposaviçit në to.
