Ministri i Jashtëm i Polonisë, Radoslaw Sikorski, deklaroi se Varshava, sipas ligjit ndërkombëtar, ka të drejtë të sekuestrojë avionin e presidentit rus, Vladimir Putin, nëse ai kalon në hapësirën ajrore polake gjatë rrugës për në takimin e planifikuar me presidentin e SHBA-së, Donald Trump, në Budapest.
“Ne nuk jemi në gjendje të garantojmë që një gjykatë e pavarur nuk do t’i urdhërojë qeverisë të ndalojë një avion të tillë për të sjellë të dyshuarin në Gjykatën e Hagës,” tha Sikorski për “Radio Rodzina” në Varshavë.
Ky koment erdhi në një kohë kur Kremlini po kërkon korridore jashtë BE-së për të arritur në Hungari për samitin në Budapest, ndërsa disa zyrtarë të BE-së shprehen kritikë ndaj pritjes së Putinit brenda BE-së.
Në OKB në shtator, Sikorski i kishte thënë Moskës “ju jeni paralajmëruar” për çdo ndërhyrje në hapësirën ajrore të NATO-s.
Që nga marsi i vitit 2023, Gjykata Ndërkombëtare Penale (GjND) ka lëshuar një urdhër arresti për Putinin lidhur me deportimin e paligjshëm të fëmijëve ukrainas, një krim lufte sipas Statutit të Romës.
Që nga shkurti, një zonë ndalim-fluturimi për avionët rusë ka qenë në fuqi në të gjithë territorin e BE-së.
GjND-ja gjithashtu lëshoi urdhërarrest edhe për kryeministrin izraelit Benjamin Netanyahu në vitin 2024.
