Gjithë këta burra dhe gra, janë nisur për ta varrosur Haxhi Thaçin tek varrezat e reja të fshatit Burojë të Skenderajt.
Por në mesin e tyre mungon i biri i të ndjerit, Hashimi, i cili dërgoi një mesazh lamtumirës për të atin nga Haga pasi që nuk iu lejua vizita të martën.
Ndonëse avokati i tij, Luka Misetiq tha që kërkesa për vizitë i ishte dërguar trupit gjykues mesditën e së hënës.
Familjes së ish presidentit Thaçi, me ceremoni shtetërore, ushtarët e Forcës së Sigurisë së Kosovës i dorëzuan flamurin e Kosovës e atë kombëtar.
E mesh dhimbjesh e lotësh, familja, miqtë, figura politika nga Kosova, Shqipëria dhe Maqedonia e Veriut ia dhanë lamtumirën e fundit Haxhi Thaçit.
Myftiu i Kosovës, Naim Tërrnava tha që prania e aq shumë njerëzve në varrim shfaq nderimin e madh për familjen Thaçi dhe të ndjerin.
“Me këtë rast shprehim keqardhjen tonë për padrejtësitë e mëdha që janë duke iu bërë çlirimtarëve tanë, që fatkeqësisht sot edhe djali i tij, ish presidenti që të jetë në përcjelljen e fundit të babait të tij, megjithatë po e shohim që të gjithë nga trojet shqiptare jemi tubuar për të përcjellë gjyshin tonë Haxhiun. Jemi krenar që I takojmë kësaj toke, jemi krenar që i takojmë këtij kombi, jemi krenarë për përpjekjet tona të vazhdueshme që kemi bërë për çlirimin dhe pavarësinë e vendit tone”, tha ai.
Kur varrosën Haxhiun, bashkëfshatarët kujtuan të ndjerin, dhe shprehën dhimbjen për mungesën e ish presidentit Thaçi në varrim.
E një tjetër tregon për karakterin e te ndjerit Thaçi.
Në varrim u pa një këshilltar i presidentes Osmani por jo edhe përfaqësues të kryeministrisë dhe kuvendit.
