Pas shkarkimit të Hansi Flickut 58-vjeçar nga posti i selektorit të Kombëtares së Gjermanisë, gjermanët janë vënë në kërkim të zëvendësuesit të tij.
Mediat gjermane kanë shkruar të enjten se Julian Nagelsmann është favorit, por emri tjetër i përfolur është ai i holandezit Louis van Gaal.
“Bild” ka shkruar se holandezi është më afër, për shkak edhe të aspektit financiar, pasi Van Gaal do të përfitonte shumë më pak para sesa Nagelsmann.
Van Gaal është fitues i Ligës së Kampionëve me Ajaxin, që është edhe suksesi i tij më i madh në karrierë si trajner.
Ka fituar edhe katër tituj në Holandë, me Ajaxin tri herë dhe me AZ Alkmaari një herë, një në Gjermani fitoi titullin me Bayern Munichun, dhe dy herë ishte kampion me Barcelonën në Spanjë.
E ka edhe një Kupë FA, të fituar me Manchester Unitedin.
