Kapiteni i Holandës, Virgil van Dijk do të marrë një vendim për të ardhmen e tij si për klubin ashtu edhe kombëtaren gjatë javëve të ardhshme.
Ai ka thënë se fillimisht do ta marrë veten pas zhgënjimit që u eliminua me Holandën në gjysmëfinale të “Euro 2024” dhe pastaj do të vendos për karrierën e tij.
33-vjeçari ka 75 paraqitje me Holandën, ndërsa në nivel klubi është pjesë e Liverpoolit dhe me ekipin anglez ka kontratë deri në vitin tjetër.
“Nuk e di, nuk kam vendosur ende. Do të mendoj gjatë këtyre javëve se cila do të jetë e ardhmja ime si në nivel klubi ashtu edhe te kombëtarja. Kështu që, fillimisht dua të rikuperohem dhe pastaj do të shoh se cili do të jetë vendimi im”, është shprehur Van Dijk.
Ai ka debutuar te Holanda në vitin 2015 dhe ka edhe 9 gola të shënuar, ndërsa është pjesë e Liverpoolit prej vitit 2018 kur iu bashkua nga skuadra e Southamptonit.
