Valencia lë pas krizën e rezultateve dhe rikthehet te suksesi, me skuadrën e Baraja-s që fitoi 2-0 përballë Cadiz në “Mestalla”.
Vendasit e zhbllokuan shumë shpejt ndeshjen, kjo pasi Gaya realizoi pas 4 minutash lojë.
Miqtë nuk ia dolën të reagonin, ndërsa gjërat u komplikuan në minutën e 22-të, Navarro u ndëshkua me kartonin e kuq dhe Valencia e shfrytëzoi në maksimum superioritetin numerik, me Hugo Duro-n që dyfishoi katër minuta më pas.
Valencia rikthehet te suksesi pas katër ndeshjesh dhe tani numëron 14 pikë, duke u pozicionuar në vendin e tetë, ndërkohë që Cadiz është plotësisht në krizë dhe mbetet me 9 pikë, në vendin e 16-të në La Liga.
