Paraqitjet e mira të portierit Giorgi Mamardashvili në Kampionatin Evropian, kanë detyruar krerët e skuadrës së Valencias që t’ia caktojnë çmimin 23-vjeçarit.
Mamardashvili ishte portieri më i dalluar në fazën e grupeve të “Euro 2024” dhe falë pritjeve të tij, Gjeorgjia arriti të kualifikohet në 1/8 e finales.
Duke pasur parasysh paraqitjet e mira të Mamardashvilit, shumë skuadra të njohura evropiane kanë shprehur interesim për transferimin e tij këtë verë.
Kështu që, Valencia është detyruar të caktoj çmimin për të dhe tashmë ka njoftuar klubet e interesuara se kartoni i tij kushton 40 milionë euro.
Mamardashvili ka kontratë me Valencian deri në vitin 2027, ndërsa pjesë e ekipit spanjoll është prej janarit të vitit 2022.
Debutimin e tij te Gjeorgjia, Mamardashvili e ka bërë në vitin 2021 dhe deri më tani ka regjistruar 21 paraqitje.
Në 1/8 e finales të “Euro 2024”, Gjeorgjia do të përballet me Spanjën, ndeshje kjo që luhet të dielën mbrëma.
