Sulmuesi Myrto Uzuni është rikuperuar dhe do të jetë pjesë e Kombëtares së Shqipërisë për ndeshjen ndaj Letonisë.
Sulmuesi ka lënë pas problemet në kofshën e djathtë dhe është stërvitur me pjesën tjetër të grupit.
Një lajm i mirë për selektorin Sylvinho, që do e ketë të plotë grupin dhe ka më shumë mundësi zgjedhje për duelin e së martës.
Kujtojmë se ndeshja mes Shqipërisë dhe Letonisë do të luhet më 9 shtator, në stadiumin “Air Albania” në Tiranë dhe për këtë ndeshje mësohet se janë shitur rreth 13 mijë bileta.
Kjo ndeshje i takon kualifikimeve për Kampionatin Botëror të vitit të ardhshëm.
