I njëjti pas një mosmarrëveshje me djalin dhe nusën e djalit të moshës 37-vjeçar dhe 23-vjeçare u ka shkaktuar dhunë e që sipas raportit të Policisië nuk është hera e parë, raporton teve1.info
“Sot, rreth orës 00:45 të mëngjesit, policia e stacionit në Ferizaj ka pranuar një informacion se në rrugën ” Riza Matoshi” në Ferizaj është një rast i dhunës në familje.Në lidhje me këtë policia e rendit menjëherë i ka marrë veprimet e nevojshme, kanë dalë në vendin e ngjarjes dhe kanë arrestuar personin në gjendje të dehur N.D (M/K) i moshës 62 vjeçar, i cili pas një mosmarrëveshje me djalin dhe nusen e djalit të tij R.D (M/K) i moshës 37 vjeçar dhe A.A ( F/K) e moshës 23 vjeçare shkakton dhunë në familje për të disatën herë”, thuhet në njoftim.
Policia ka bërë se në rast janë kyçur Njësia e Dhunës në Familje nga Sektori Rajonal i Hetimeve.
Policia të dyshuarin e ka shoqëruar në stacionin e policisë në Ferizaj , mirëpo për shkak të gjendjes së tij të dehur policia nuk ka mundur të kryej intervistimin dhe me vendim të Prokurorit kujdestar nga Prokuroria Themelore në Ferizaj, i njëjti është dërguar në mbajtje për 48 orë, për procedura të mëtejme hetimore, ndërsa rasti është cilësuar ” Dhunë në familje”./teve1.info
