Brenda një jave, për herë të dytë, trupat e KFOR-it po kryejnë ushtrime në Urën e Ibrit në mes Mitrovicës së Jugut dhe asaj të Veriut. Aty ata bënë lëvizje në të dy anët me një pjesë të shtuar të numrit të karabinierëve. Njohësit e politikës e shohin si ushtrim normal dhe asgjë për t’u shqetësuar.
Në shikim të parë, dukej sikur një ecje normale e tyre.
Mirëpo numri i shtuar i karabinierëve të KFOR-it e vërtetonte të kundërtën.
Ata u rreshtuan krah për krah për ushtrimet e radhës në Urën e Ibrit.
Madje u ndanë në të dy anët e urës së Mitrovicës.
Pas kryerjes së këtyre ushtrimeve ditore, u mblodhën për herë të fundit.
Këtu eprori i këtij ushtrimi i falënderoi për gatishmërinë.
Me largimin e trupave të KFOR-it u larguan edhe veturat e tyre që gjendeshin mbi urë.
Mirëpo këto ushtrime i sheh vetëm si simbolikë dhe punë të tyre profesori Nexhmedin Spahiu.
Ushtrime të njëjta pjesëtarët e KFOR-it bënë edhe të shtunën e 31 gushtit në Urën e Ibrit.
