Këto përfitime ishin më të theksuara te njerëzit që nuk po përjetonin ende ndonjë humbje të kujtesës, por të gjithë panë disa përfitime kur ushtroheshin vazhdimisht disa herë në javë.
Kujtesa episodike është e para që tregon ndryshime te njerëzit që jetojnë me sëmundjen Alzheimer, tha Dr. Neelum Aggarwal, një neurolog në Qendrën e Sëmundjeve në Çikago, i cili nuk ishte i përfshirë në studimin e ri.
“Meqë kujtesa episodike testohet shpesh në zyrën e mjekut dhe është një ankesë që përmendet shpesh nga pacientët, të kesh një plan trajtimi që përfshin stërvitjen është një mënyrë pozitive dhe fuqizuese për pacientët që të kujdesen për shëndetin e tyre fizik dhe të trurit”, vuri në dukje ajo.
“Ecja është forma më e nënvlerësuar e ushtrimeve aerobike, por për shumë njerëz, është e arritshme, e lirë për t’u bërë dhe ka përfitime të shumta përtej lëvizjes fizike, përkatësisht reduktimin e stresit dhe përmirësimin e mirëqenies, të gjitha këto janë të rëndësishme për shëndetin e trurit”, tha Aggarwal.
“Ushtrimi për tre herë në javë ishte i mjaftueshëm për të parë një përfitim dhe duket se duhen rreth katër muaj për të korrur këto përfitime në kujtesën episodike”, tha autorja kryesore e studimit Sarah Aghjayan.
“Ne e dimë se aktiviteti i rregullt fizik mund të përmirësojë gjendjen shpirtërore, të përmirësojë shëndetin e zemrës dhe të ndikojë në peshën e trupit, dhe të gjithë këta faktorë kanë një ndikim në tru dhe kujtesë”, shpjegoi Aghjayan.
Për këtë studim të fundit, u shqyrtuan 36 studime duke përfshirë 2 mijë e 750 njerëz (mosha mesatare 71 vjeç) të cilët ushtruan për rreth 15 deri në 90 minuta tre herë në javë për 18 deri në 39 javë. Njerëzit e moshës 55 deri në 68 vjeç treguan përmirësimet më të mëdha në kujtesë kur shtroheshin, treguan gjetjet.
Gjithmonë merrni një dritë jeshile nga mjeku juaj përpara se të filloni një plan të ri ushtrimesh dhe përpiquni të gjeni diçka që ju pëlqen të bëni, kështu që do të keni më shumë gjasa t’i përmbaheni asaj, këshilloi ajo.
Sasia e ushtrimeve që shumica e njerëzve në studimin e ri raportuan bie pak më pak se udhëzimet aktuale të ushtrimeve, të cilat kërkojnë të paktën 150 minuta deri në 300 minuta në javë ushtrime të moderuara, ose 75 minuta deri në 150 minuta në javë ushtrime të forta në javë, vuri në dukje ajo. Por “çdo gjë është më mirë se asgjë, dhe çdo lëvizje ka rëndësi”, tha DeFina.
