Ushtria izraelite lëshoi të hënën urdhra gjithëpërfshirëse evakuimi për pjesën më të madhe të Rafah, duke paralajmëruar për një tjetër operacion tokësor së shpejti, raporton AP.
Urdhrat erdhën gjatë festës së Fitër Bajramit, që shënon fundin e muajit të agjërimit të Ramazanit.
Majin e kaluar, Izraeli nisi një operacion të madh në Rafah, në kufirin me Egjiptin, duke lënë pjesë të mëdha të tij në gërmadha. Ushtria kapi një korridor strategjik përgjatë kufirit si dhe kalimin Rafah me Egjiptin, e vetmja portë e Gazës për në botën e jashtme që nuk kontrollohej nga Izraeli.
Izraeli duhej të tërhiqej nga korridori sipas armëpushimit që nënshkroi me Hamasin në janar nën presionin e SHBA-së, por më vonë refuzoi, duke përmendur nevojën për të parandaluar kontrabandën e armëve.
