Forcat izraelite e kanë bastisur spitalin më të madh të Gazës në orët e para të së mërkurës, ku qindra pacientë, përfshirë foshnja të sapolindura, kanë mbetur me pak furnizime, përfshirë mungesën e rrymës.
Një mjek në Al Shifa i tha CNN se atyre iu dha një paralajmërim 30-minutësh përpara se të fillonte operacioni izraelit në kompleks.
“Na u kërkua të qëndronim larg dritareve dhe ballkoneve. Ne mund të dëgjojmë automjetet e blinduara, ato janë shumë afër hyrjes së kompleksit, “tha Dr. Khaled Abu Samra.
Izraeli ka thënë se Hamasi e ka një qendër masive komanduese brenda dhe rreth Spitalit Shifa, mirëpo nuk ka ofruar të dhëna për këtë pretendim, derisa Hamasi dhe stafi i spitalit i kanë hedhur poshtë këto deklarata.
Disa orë para bastisjeve, Shtetet e Bashkuara kanë thënë se kanë inteligjencë që sugjeron se Hamasi e ka përdorur Spitalin Shifa dhe spitale tjera, si dhe tunelet poshtë tyre, për t’i mbështetur operacionet ushtarake dhe për t’i mbajtur pengjet.
