Ushtarët turq nga Batalioni i Forcës Rezervë Operacionale (ORF), pjesë e misionit të KFOR-it të udhëhequr nga NATO po vazhdojnë aktivitetet e tyre të përditshme përgjatë vijës kufitare në Kosovë.
Sipas KFOR-it, ata kryejnë patrullime të rregullta për të siguruar një prezencë të dukshme dhe për të rritur ndërgjegjësimin për situatën në terren.
Aktivitetet e tyre thuhet se kanë për qëllim ruajtjen e stabilitetit rajonal dhe mbështetjen e misionit të KFOR-it për një ambient të sigurt dhe të qetë për të gjithë qytetarët e Kosovës.
“KFOR vazhdon të zbatojë mandatin e tij, të bazuar në Rezolutën 1244 të Këshillit të Sigurimit të OKB-së të vitit 1999, duke garantuar siguri dhe liri lëvizjeje për të gjithë në mënyrë të paanshme. Organizata punon ngushtë me Policinë e Kosovës dhe Misionin e Bashkimit Evropian për Sundimin e Ligjit (EULEX) në rolet e tyre si përgjigjës të sigurisë”, theksohet në njoftim.
