Ushtarët e italianë të KFOR-it të cilët janë lënduar gjatë përleshjeve me protestuesit serbë në Zveçan më 29 janë dërguar për trajtim në Itali.
Këtë e ka konfirmuar KFOR-i përmes një komunikate për media.
“Sot, 15 nga 19 trupat u kthyen në Itali dhe u transferuan në spitalin ushtarak italian ‘Celio’ për trajtim të mëtejshëm mjekësor. Të tjerët do të shërohen në infermierinë mjekësore të KFOR-it në Shtabin e KFOR-it dhe janë planifikuar që së shpejti të kthehen në detyrat e tyre”, thuhen në njoftimin e KFOR-it.
30 ushtarë të KFOR-it ishin lënduar nga përleshja me protestuesit serbë në veri, të cilit kishin bllokuar zyrat e objekteve komunale në Leposaviq, Zveçan e Zubin Potok për të kundërshtuar hyrjen e kryetarëve të zgjedhur shqiptarë në objekte.
Pas tensionimit të situatës në veri, NATO kishte marrë vendim për dërgimin edhe të 700 trupave të batalionit rezervë në Kosovë.
Një pjesë e tyre kanë arritur të hënën, ka njoftuar NATO
