Humbje e papritur e Italisë në finalen e Kupës së Botës U-20 të zhvilluar në Argjentinë. Në ndeshjen vendimtare në stadiumin “Diego Armando Maradona”, në La Plata, të kaltrit u mposhtën nga Uruguai 1-0 falë goditjes me kokë të Luciano Rodriguezit në minutën e 86-të.
Përfaqësuesja latino-amerikane e fiton për herë të parë në histori këtë trofe, teksa më parë kishte luajtur dy finale në vitet 1997 dhe 2013.
Një një ndeshje të luajtur me shumë kujdes (e mbyllur), por që u ndez nga fundi: në minutën e 82-të, Prati ndërhyn keq te Diaz dhe merr kartonin e kuq, por VAR-i e shndërron karton të verdhë.
Megjithatë, katër minuta më vonë, vjen goli që vendosi finalen pas një rrëmujë në zonë.
Portieri i Italisë, Desplanches, ndër më të mirët në fushë, në këtë rast nuk mund të bënte asgjë.
Një tjetër zhgënjim në “metrat e fundit” për futbollin italian: pas dështimit për të Romës, Fiorentinës dhe Interit për të marrë një kupë europiane, erdhi edhe rënia e Italisë U-20 në finalen e Botërorit.
