Me të hyrë në Amfiteatrin e Bibliotekës, u pritën me duartrokitje.
Të tjerë në drejtim të liderëve dërguan edhe zemra.
Përveç duartrokitjeve, presidentja e vendit, Vjosa Osmani dhe kryeministri në detyrë, Albin Kurti morën edhe çmim nga Universiteti i Prishtinës.
Si figura që frymëzojnë brezat e ardhshëm, iu nda çmimi “Alumni Nderi”.
Rektori i UP-së, Arben Hajrullahu tha se ky universitet është krenarë me të arriturat e dy ish studentëve, Osmanit dhe Kurtit.
Rikthimin në universitetin ku ka studiuar e ligjëruar, si të veçantë e përshkroi e para e shtetit, Vjosa Osmani.
Ajo tha se investimi më i mirë është për shkollimin e studentëve.
Çmimin e njëjtë në duar e mbajti edhe kryeministri në detyrë, Albin Kurti.
Kurti tha se është detyrë që këtë universitet të bëjmë më të lartin në rajon.
Të pranishëm në sallë përveç rektorëve dhe profesorëve pati edhe studentë.
Për ndarjen e këtij çmimi në kohë të fushatës zgjedhore, ndaj Universitetit të Prishtinës ka pasur disa kritika nga partitë opozitare, si dhe nga shoqëria civile.
