Përmes një njoftimi në Facebook, Misioni i UNMIK-ut ne Kosovë ka njoftuar se ky mision u është përgjigjur me shpejtësi nevojave dhe shqetësimeve të të prekurve nga përmbytjet.
“Si përgjigje ndaj përmbytjeve të javës së kaluar që preku qindra njerëz në mbarë Kosovën, dhe pasi u krye një vlerësim i nevojave, UNMIK-u shpërndau pako ndihmash për të mbështetur familjet e prekura në zonat e goditura nga përmbytjet, duke përfshirë Skenderajn, Mitrovicën Jugore, Mitrovicën e Veriut, Zveçanin/ Zveçan, Leposavić/Leposaviq dhe Zubin Potok.
Donacionet, të cilat përfshinin 450 pako ushqimore dhe higjienike, u mirëpritën ngrohtësisht nga kryetarët e komunave dhe zyrtarët, duke përfshirë kryetarin e komunës së Mitrovicës së Jugut, Bedri Hamza, CEO të Kryqit të Kuq Serb, Vojin Drobnjaković dhe kryetarin e Skenderajt, Fadil Nura”, thuhet në njoftim.
UNMIK ka njoftuar se do të qëndroj në krah të atyre që u prekën nga përmbytjet e fundit.
“Duke ofruar një lehtësim të vogël për banorët, ne dërgojmë gjithashtu një mesazh të dhembshurisë sonë dhe frymës së përbashkët të veprimit dhe mbështetjes kolektive”, tha Shefi i Misionit të UNMIK-ut dhe PSSP Caroline Ziadd.
