Universiteti “Fehmi Agani” në Gjakovë, shënon 10 vjetorin e themelimit, lidhur me këtë menaxhmenti i Universitetit ka vendosur që çmimin “Doctor Honoris Causa” t’ia dhurojë ish-komandantit Suprem i NATO-s për Evropë, gjeneralit Wesley K. Clark, raporton teve1.info.
Ky çmim sipas ushtruesit të detyrës së rektorit, Zeqir Hashani, i takon pasi që Clark ka kontribuar dhe ndihmuar Kosovën në kohen e luftës në Kosovë.
“U.D. Rektori Prof. Ass. Dr. Zeqir Hashani ka thënë se në bashkërendim me Senatin e Universitetit “Fehmi Agani” kanë marrë vendim për t’i dhënë titullin “Doctor Honoris Causa” Gjeneralit Wesley K. Clark për përkushtimin, kontributin dhe ndihmën e tij dhënë Kosovës në kohën e luftës në Kosovë”, thuhet në njoftimin e universitetit.
Ceremonia e manifestimit do të mbahet nesër nga ora 12:00, në rrugën “Yjet e Erenikut” në Gjakovë.
