UNICEF-i të shtunën ka paralajmëruar se të gjithë fëmijët që ikën nga shtëpitë e tyre, përballen me një kërcënim nga trafikantët e qenieve njerëzore, të cilët gjithmonë kërkojnë të shfrytëzojnë kaosin e lëvizjeve të mëdha të popullsisë, raporton Sky News, transmeton teve1.info.
Ndërsa analiza e fundit e kryer nga UNICEF-i dhe Grupi i Koordinimit Ndër-Agjencior kundët Trafikimit (ICAT) është zbuluar se 28% e viktimave të identifikuara të trafikimit janë fëmijë.
Ekspertët besojnë se fëmijët mund të përbëjnë një përqindje edhe më të lartë të viktimave të mundshme të trafikimit nga Ukraina, për shkak se nga lufta deri më tani kanë kanë ikur gratë dhe fëmijët.
“Lufta në Ukrainë po çon në zhvendosje masive dhe flukse refugjatësh – kushte që mund të çojnë në një rritje të konsiderueshme të trafikimit të qenieve njerëzore dhe një krizë akute të mbrojtjes së fëmijëve. Fëmijët e zhvendosur janë jashtëzakonisht të cenueshëm ndaj ndarjes nga familjet e tyre, shfrytëzimit dhe trafikimit. Ata kanë nevojë që qeveritë në rajon të marrin masa për t’i mbajtur ata të sigurt”, u shpreh Afshan Khan, Drejtori Rajonal i UNICEF-it për Evropën dhe Azinë Qendrore.
