Këto deklarata i ka bërë kryetari i Partisë Demokratike të Kosovës, Memli Krasniqi, i cili ishte i ftuar në emisionin “Këndi i Debatit” në Tëvë 1.
“Ne skemi mundur ta ndalim shtrenjtimin e energjisë elektrike sepse ka qenë vendim i Qeverisë përmes ZRRE-së, organ absolutisht i varur prej Qeverisë, formalisht i pavarur, zgjedhen njerëzit nga Kurti, që ia kanë dhënë votat deputetët e VV-së”, shtoi ai.
Sipas tij, PDK e kishte paralajmëruar rritjen e çmimit të energjisë elektrike që nga shtatori i vitit të kaluar.
Kreu i partisë opozitare thekson se kishin nxjerrë edhe disa rekomandime për daljen nga kjo situatë.
“Për energjinë, më 29 shtator kemi folë për energjin për herë të parë, mund të ju duket burokratike, edhe qytetarëve por është proces. Kemi pasur mbledhje e kryesisë së PDK-së pikërisht për refuzimin e gazsjellësit amerikan… Më 9 nëntor, kemi nxjerrë rekomandime konkrete për shmangien e krizës që na priste, prej heqjes së TVSH-së për 8 përqind te kontratat afatgjate deri te veprimet konkrete për t i ndihmu institucioneve që janë përgjegjëse për energjinë. Në të njëjtën kohë kemi kërkuar shpalljen e gjendjes së emergjente”, shtoi ai./teve1.info/
