Takimin mes Hovenierit, Thaçit dhe Bidenit, Krasniqi e ka quajtur si të paharrueshëm, pasi sipas tij ky takim u zhvillua një ditë para se Gjykata Ndërkombëtare e Drejtësisë e ka konfirmuar që Deklarata e Pavarësisë së Kosovës është në linjë me ligjin ndërkombëtar.
“Ishte një surprizë e këndshme e realizuar dje në një takim me ambasadorin e ShBA-së në Kosovë, kur rreth 12 vjet më parë, ne ishim në të njëjtën dhomë në Shtëpinë e Bardhë në një takim të ish-zëvendëspresidentit Joe Biden me kryeministrin e atëhershëm të Kosovës Hashim Thaçi. Ishte një takim i paharrueshëm për të gjithë të pranishmit, pasi u zhvillua më 21 korrik 2010, vetëm një ditë para se Gjykata Ndërkombëtare e Drejtësisë konfirmoi se Deklarata e Pavarësisë së Kosovës është në përputhje me të drejtën ndërkombëtare, në të cilin proces kemi pasur mbështetjen e plotë të SHBA-së”, ka shkruar ai në Twitter.
Po ashtu, Krasniqi tha se Kosova është me fat që presidenti i SHBA-së është Joe Biden.
“Kosova është me shumë fat që është Joe Biden është president – një mbështetës i vendosur i rrugës sonë drejt shtetësisë dhe zhvillimit – dhe duhet të shfrytëzojë presidencën e tij për të forcuar më tej marrëdhëniet Kosovë-SHBA dhe për të konsoliduar pozicionin e Kosovës në nivel ndërkombëtar”, tha ai. /tëvë1.info/
