Në kuadër të këtij procesi, Komuna e Preshevës ka mbajtur takimin e Regjistruesve të trajnuar për procesin e regjistrimit të popullsisë dhe amvisërive, me qëllim të definimit dhe ecurinë e punës në këtë proces.
Sipas një publikimi nga Komuna e Preshevës në Facebook, nga dita e shtunë, qytetarët kanë mundësi t’i pranojnë Regjistruesit nëpër shtëpitë e tyre, për t’i ofruar të dhënat për veten dhe secilin anëtar të familjes, pavarësisht ku jetojnë.
Në njoftim, Komuna e Preshevës ka publikuar edhe disa të dhëna më të detajuara se si do të bëhet regjistrimi.
Krejt kjo po ndodhë pasi qytetarët shqiptarë që jetojnë në këtë komunë por edhe Medvegjë e Bujanoc, janë ankuar se iu kanë pasivizuar adresat e banimit me qëllim të minimizimit të numrit të shqiptarëve në Serbi.
