Ministria e Ekonomisë ka bërë thirrje për kursim të energjisë eklektike, pas uljes së temperaturave.
Në apelin e ministrisë thuhet se temperaturat e ulëta pritet të jenë edhe gjatë javës.
ME ka dhënë disa propozime për ta kursyer energjinë dhe për mos ngarkim të rrjetit.
“Sot janë ulur ndjeshëm temperaturat, e këtë parashikim të motit do ta kemi edhe në ditët në vijim.
Për të kursyer energjinë elektrike e gjithashtu për të mos e ngarkuar rrjetin elektro-energjetik ju lusim që të kurseni dhe të optimizoni shfrytëzimin e energjisë elektrike.
Shkyçni dritat e panevojshme, Shfrytëzoni rrobalarësen pas orës 24:00, Shfrytëzoni enëlarësen pas orës 24:00, Aktivizoni bojlerin pas orës 24:00, Shfrytëzoni tharësen pas orës 24:00”, thuhet në apelin ministrisë.
Thirrje për kursim ka bërë edhe shefja e grupit paralamnetar të VV-së, Mimoza Kusari-Lila, ka bërë thirrje për kursim të energjisë elektrike.
Ajo ka thënë se jemi në dy muajt e fundit dhe kritikë për kursimin e energjisë elektrike duke thënë se kursimi nga të gjithë nga pak e bënë diferencën e madhe për këtë sektor.
“Kemi hyrë në dy muajt e fundit dhe kritikë për kursimin e energjisë elektrike. Kampanjës së Qeverisë për të ngritur vetëdijën dhe për të shtuar masat për kursimin e energjisë i janë bashkangjitur Ambasadorë dhe përfaqësues të Qeverisë. Të gjithë duke kursyer nga pak në përditshmërinë tonë, bashkë bëjmë diferencën e madhe për gjithë sektorin! Të mbështesim bashkë fushatën për masat e kursimit të energjisë”, ka shkruar ajo.
Qeveria e Kosovës ka nisur fushatën për thirrje për kursim të energjisë.
Si masë për nxitje të kursimit Qeveria kishte marrë vendim për subvencionimin e një pjese të faturës së energjisë elektrike për qytetarët që kursejnë energji./teve1.info/
