Kjo është bërë e ditur përmes një udhëzimi administrativ për tarifat nënshkruar nga ministrja e Drejtësisë, Albulena Haxhiu.
Në këto tarifa që përfitojnë përmbaruesit hyjnë shuma për administrimin e lëndës, shuma për veprimet e ndërmarra dhe tarifat për efikasitetin e zbatimit të përmbarimit.
Nga Oda e Përmbaruesve thonë se ky vendim mund të ketë një prapavijë dhe është i paarsyeshëm në fazën e rritjes së çmimeve.
Ne jemi në fazën kur çdo çmim po rritet. Ne jemi në fazën kur disa vite me radhë pagat e sistemit gjyqësor kanë shënuar rritje. Dhe tani papritmas shpenzimet e përmbaruesve zvogëlohen. Kujt po i konvenon kjo? Pse duhet që kjo punë që është bë për një dekadë papritmas të kthehet në pikën zero.[3:28]
Teksa sipas përmbaruesit Zija Bala, me këtë vendim shumë punëtorë të Zyrave të Përmbarimit rrezikojnë të mbeten pa punë.
Pagujmë tatime të mëdhaja sepse kem qarkullime të mëdha të mjeteve. Faktikisht na prej ATK-së po i servojmë mjete shumë të mëdhaja. Tani me udhëzimin e ri s’ka me pas punë. E treta na numërojmë afër 42 përmbarues.
Çdo zyre i ka nga 5 të punësum. Të jesh i bindun se asnjëri s’ka me i pas më shumë se 2 punëtorë [2:55]
Por përmbaruesit pakënaqësitë nuk i kanë vetëm me reduktimin e tarifave për ta.
Borxhet ndaj institucioneve dhe ndërmarrjeve publike nuk do të mund të realizohen tash e tutje. Sepse sipas udhëzimit të ri një zyrtar i caktuar i një ndërmarrje publike është i detyruar të ulet e të bëj Pazar me përmbaruesin për shpërblimin e përmbarimit.
Televizioni për shqetësimet e Odës së Mjekëve i ka dërguar pyetje edhe Ministrisë së Drejtësisë, por nuk ka marrë përgjigje deri në momentin e publikimit të kronikës.
Me ligjin e vjetër, për pjesëmarrje në shitje publike dhe ndërmarrjen e veprimeve të zbatimit të përmbarimit jashtë zyrës, një përmbarues është paguar me 40 euro për çdo orë të filluar.
Tanimë kjo shumë do të jepet varësisht për sa orë zgjat. Teksa, për përpilimin e procesverbalit përmbaruesit janë paguar me 30 euro me udhëzimin e vjetër ndërsa me të riun do të paguhen me 15. Përfitimet do të jenë më të vogla edhe për procedura të tjera.
