Laureta Ulaj, zëdhënëse e Prokurorisë Themelore në Prishtinë, në emisionin “De Jure”, tha se prokuroria po ndërmerr hapat e nevojshëm në luftimin e dukurisë së përdorimit të narkotikëve.
Ajo bëri të ditur se në Departamentin për të Mitur gjatë periudhës 2018-2022 janë pranuar gjithsej 158 raste, me 182 persona të mitur të dyshuar se kanë kryer vepër penale posedimi i substancave narkotike apo edhe shitblerje me narkotikë.
“Në Prokurorinë Themelore në Prishtinë, konkretisht në Departamentin për të Mitur, gjatë periudhës 2018-2022 janë pranuar gjithsej 158 raste, me 182 persona të mitur të dyshuar se kanë kryer vepër penale posedimi i substancave narkotike apo edhe shitblerje me narkotikë. Për 40 raste janë propozuar nga prokurori i shtetit masat e diversitetit, ndërsa për 56 raste janë propozuar nga prokurori i shtetit masat edukative, duke përfshirë këtu qortimin gjyqësor, masat e e mbikëqyrjes së shtuar nga ana e prindit, nga ana e kujdestarit ose nga ana e organit të kujdestarisë, si dhe masa institucionale e dërgimit në institucionin edukativo-korrektues”, tha ajo në emisionin “De Jure” në Tëvë1.
Për më shumë ndiqeni hulumtimin “Përdorimi i drogave nga të miturit”, i cili po transmetohet në “Tëvë1” dhe “Betimi për Drejtësi./Tëvë1/
