Ish-amabasadori, Sylë Ukshini e vlerëson hap të duhur në drejtim të duhur letrën për konsultime të kryeministrit në detyrë, Albin Kurti drejtuar kryetarit të Partisë Demokratike të Kosovës, Memli Krasniqi dhe atij të Lidhjes Demokratike të Kosovës, Lumir Abdixhiku.
Ukshini ka thënë se në demokraci nuk duhet të ketë vija të kuqe pasi sipas tij ABC-ja e demokracisë është komunikimi dhe ndërtimi i një kulture kompromisi.
“Pa diskutim që është një hap i duhur në drejtimin e duhur sepse në fund të fundit kjo është demokracia. ABC-ja e demokracisë është komunikimi ndërtimi i një kulture kompromisi. Unë mendoj që në demokraci ose për parti që nuk janë jashtë ligjit nuk duhet të ketë vija të kuqe duhet të ketë vija të kuqe për njerëzit që janë të korruptuar për njerëz që e zhvatin Kosovën njerëz që nuk kanë kompetencë ata duhet të kenë vija por jo partitë politike sepse kjo kthehet bumerang. Nëse në 2014 nga kjo plagë ka vuajtur politikisht PDK-ja tani po vuan LVV-ja do të thotë duhet të hiqet kjo lloj forme”, ka thënë ai në emisionin “Ditari” në Tëvë1.
Sipas Ukshinit e propozuara e Vetëvendosjes për kryeparlamentare, Albulena Haxhiu në momentin që nuk i ka marrë votat moralisht është dashur të tërhiqet.
“Nga etika morale nëse e shikojmë unë për vete nuk do të lakmoja një pozitë ku e di që kolegët e mi nuk janë dakord për atë pozitë dhe nëse ti votohesh pesë apo gjashtë herë dhe nuk i merr do të ishte e udhës që të hapësh krahun”, është shprehur Ukshini.
Kryeministri në detyrë, njëherit kryetari i Lëvizjes Vetëvendosje, Albin Kurti u ka dërguar letër për takim lidhur me konstituimin e Kuvendit, kryetarit të Partisë Demokratike të Kosovës, Memli Krasniqi dhe atij të Lidhjes Demokratike të Kosovës, Lumir Abdixhiku.
Kurti u dërgon letër Krasniqit e Abdixhikut për takim para seancës të së enjtes
