Ish-ambasadori, Sylë Ukshini ka deklaruar se proceset zgjedhore në Kosovë po shkojnë drejt rënies së standardeve të dikurshme, duke theksuar se vendi duhet të rikthejë nivelin e integritetit që ka pasur para 15–20 viteve.
Ukshini theksoi se Kuvendi i Kosovës duhet të fokusohet në hartimin e ligjeve, mbikëqyrjen e Qeverisë dhe të ketë efikasitet që e afrojnë vendin me Bashkimin Evropian.
Ai përmendi se ndërkohë që Mali i Zi dhe Shqipëria po ecin drejt integrimit evropian, Kosova vazhdon të mbetet peng i 9-të deputetëve të Listës Serbe.
“Zgjedhjet duhet të jenë nën nivelin që kanë qenë para 15 viteve – 20 viteve sepse nëse Kosova është dalluar për diçka, është dalluar për kuptimin që i ka njoftë zgjedhjet çdo parti që ka humbur. Parlamenti i Kosovës duhet të bëjë ligje, ta kontrollojë qeverinë, duhet të jetë efikas për të përçuar trendet evropiane. Mali i Zi, Shqipëria po integrohet në BE, ne akoma kemi mbet peng të 9-deputetëve të Listës Serbe”, ka deklaruar Ukshini në emisionin “Ditari” në Tëvë1./teve1.info/
