UEFA ka dalë me një komunikatë të shkurtër për të sqaruar arsyen e anulimit të penalltisë për Real Madridin.
Sipas UEFA-s, penalltia u anulua për shkak se kontakti i shkaktuar nuk ishte i mjaftueshëm për penallti. Pra, gjyqtari ndryshoi vendimin e tij.
“Penalltia e Real Madridit u anulua për shkak se Declan Rice nuk ka shkaktuar faull ndaj Mbappes”, thuhet në njoftimin e UEFA-s.
Fillimisht u akordua penallti për Realin, por pas rishikimit të VAR-it, që zgjati tre minuta, penalltia u anulua.
Njoftimi në ndeshje ishte se penalltia u anulua për shkak të pozicionit jashtë lojë, mirëpo UEFA tashmë bëri të ditur se nuk ishte penallti.
