Të mërkurën, Komisioni Disiplinor dhe Etikës i UEFA-s, ka nisur shqyrtimin e rastit për ndeshjen Rumani – Kosovë, që u ndërpre javën e shkuar në Bukuresht.
Ndeshja u ndërpre pas thirrjeve “Serbia, Serbia” nga tifozët rumunë, ndërsa ishin lojtarët e Kosovës, ata që braktisën fushën dhe nuk u kthyen më.
Kjo përballja e ndërpre në minutat shtesë, ku rezultati ishte 0:0.
Mediumet në Rumani kanë bërë të ditur se dosja tashmë është në tavolinën e disiplinorit të UEFA-s, dhe nëse çështja nuk del shumë e komplikuar, atëherë vendimi pritet më së largu deri të enjten.
UEFA ka njoftuar se tashmë ka hapur procedurë disiplinore si ndaj federatës rumune ashtu edhe ndaj asaj të Kosovës duke u bazuar në nenin 55 të rregullores disiplinore.
Thomas Partl nga Austria është udhëheqës i komisionit që do ta merr vendimin që sipas të gjitha gjasave pritet të bëhet publik gjatë kësaj jave.
